“Maria Clara”

by:Wilfredo J. Paladin Jr.

Old Maria Clara

Maria Clara noo’y, hinahanap ngayon

Bakit sumunod sa kupas na panahon

Naging mapusok na nagtatagong ibon,

Kung lumipad na may mababa sa telon

Binibini, ikaw pa rin aming irog

Kahanga-hanga ka’t di mapagpatulog,

Pagiging mayumi’y,sa iyo’y nahubog

Ngunit sa ngayo’y tila yata’y lumubog

Sabi nga ng iba, kinapos sa tela

Baro’t saya’y,sadyang nakalimutan na

Sumunod sa uso’y tanging hangad nila,

Oh Maria Clara, bakit nagkaganyan ka?

New Maria Clara

Iyong mga kamay na mapagkalinga,

Iyong kagandahang aming sinisinta

Inang bayan mo’y sadyang nangungulila

Sa iyong katauhang, tila naluma

Maria Clara, nasan ang tunay mong kulay?

Bansang malaya’y hinahanap kang tunay,

Oh Maria Clara, ika’y bumangon muli,

Hinahanap-hanap, mahinhin mong ngiti